تاج..توّج..ما تيجي

بناء على طلب من صديقي قديم الطالع كريم

هل أنت راض عن مدونتك شكلاً وموضوعاً؟
لم أشعر مرة أن كوني راض عن مدونتي قد يضيف شيء لنفسي .. دخلت صدفة و هاخرج عن قريب برضه صدفة

هل تعلم أسرتك الصغيرة بأمر مدونتك؟
مش متأكد..أظن يعرفوا التانية بنت ولد

هل تجد حرجاً فى أن تُخبر صديقاً عن مدونتك؟
لأ..إطلاقا, بتيجي السيرة في وسط الكلام و المهتم بيعرف

هل تعتبرها أمرا خاصا بك؟
مش أوي يعني..هي لا تعبر بالضرورة عن حياتي,أفكاري أو حتى أحوالي

هل تسببت المدونات بتغيير إيجابى لأفكارك؟
أفكاري؟ أنا دماغي أنشف من كدة

هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
لو عندي فسحة من الوقت..أتصفح كل ما تطاله يدي

ماذا يعنى لك عداد الزوار.. هل تهتم بوضعه فى مدونتك؟
ولا الهوا

هل حاولت تخيل شكل اصدقائك المدونين؟
أحيانا..لو إهتميت بأحدهم

اعترفـــ هل ترى فائدة حقيقية للتدوين؟
أهو ألاقي حاجة أقراها و أنا قاعد فاضي..لكن أصدقائي (المقربين) من المدونين فائدة حقيقية

هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
أكيد متفاعل..لكن كل واحد بطريقته و ده اللي بيعجبني أحيانا

هل يزعجك وجود نقد بمدونتك ؟ أم تشعر انه ظاهرة صحية؟
اللي يلاقي حاجة تستاهل النقد ماشي
لكن موضوع ظاهرة صحية
ده لما أكون أنا كاتب حاجة تعبر عن نفسي أو تفاعلي مع الواقع و ده غالبا مابيحصلش

هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
هخاف من إيه يعني
ماعتقدش إن التدوين هو السبب لكنها الحياة الواقعية

هل فكرت فى مصير مدونتك حال وفاتك؟
بلا نيلة

آخر سؤال : تحب تسمع أغنية إيه؟
علّمني أدّون والنبي يا أحمد

اكتب اسماء خمسة مدونين ليقوموا بهذا الاستقصاء بعدك
اللي شايف في نفسه صحة يدوس