ShaMs

"و بقول كلام موزون, القى الصدى يرجع كلام دايخ"

Wednesday, December 06, 2006

حالة كده

معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عايز أنام
ولا حتى بسأل إيه ده إيه و أخرتها إيه و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم .. عشان يشاركني في ألم
أو يستلفلي من لئيم حبّة أمل
حالة كده .. معرفش ليه
حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب
محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه
شعر : علي سلامة

5 Comments:

  • At 3:08 PM, Blogger lockash أحمد تمام said…

    ياااااه... في الجوووول.. و يخرب عقلك يامجرم عملها وجاب جوول جميل..
    آه ياني منك.

     
  • At 8:03 PM, Blogger Gazzer said…

    Lockash..
    bas lel asaf el koura 7'adeto ma3aha w laza2o sawa fel shabaka:S

     
  • At 12:18 AM, Blogger soha said…

    ساعات أشاور ينفتحلي ألف باب
    لكنّي بغلط في الحساب

    heya de belzabt"ba3'lat fel 7esab"
    yatara leeeh?
    msh 3rfa

     
  • At 12:52 AM, Anonymous Anonymous said…

    lakny barga3 mnha ba3d el sokat, fahm shewaya filly fat.. this is tru, bs ahy 7ala kda w malhash 7al ta2reban:S

     
  • At 9:02 PM, Blogger Frenzy said…

    شكرًا يا عم

     

Post a Comment

<< Home