مراسلكم من الغردقة
و يا رب نفهم ليه.. الخطاط/فلان الفلاني
دي اليافطة المتعلقة على ناصية الشارع الي ساكن أنا فيه في الغردقةبتعمل ايه يا كابتن
دي كانت صرخة عسكري جاي بيجري ناحيتي لما لقاني بطلع الموبايل عشان أصور اليافطة, و لما صوتنا ارتفع بقى و ابتدت المعركة جه الظابط
بطاقتك
طاب يا باشمهندس, ينفع الكلام ده, أمال الغير متعلمين بقى يعملوا ايه, بعدين حضرتك شكلك محترم و مايصحش كده يعني
طبعا لأن الظابط أصلا معرفة ماحصلش مشاكل
ملحوظة: أنا كنت لابس شورت و تيشرت و شبشب -محترم يعني
كنت بركن العربية في شارع جانبي لأنه طبعا ممنوع أركن في العمومي, و لأنه كان في عربية راكنة اضطريت أركن و بوز العربية طالع لبرة شوية
جالي العسكري -برضو بيجري
و النبي يا باشمهندس, معلش سامحني, بس شايف الظابط ابن ال...... اللي قاعد هناك ده, قاللي روح للراجل ده غلٌس على أمه بدل ما أطلع .......أمك
و طبعا لما شفت علامات الغلب على وش الراجل جاتلي كريزة ضحك
بعد ما شاف البطاقة -كالعادة
"يعني يا باشمهندس, داقت بيك الدنيا جاي تقعد على البحر بالليل, مش عارف ان دي حتة مشبوهة, بعدين ما البلد ماليانة بارات و ديسكوهات جاي تقعد على البحر, روح يا شيخ الله يصلح حالك
ملحوظة تانية: دا مكان مفتوح و بيطل على شارع عمومي, و الموقف اتكرر مرتين بنفس السيناريو
انما الأجمل بقى, اني لما ماجاليش نوم و قلت أكتب الكلمتين دول لقيت الرسالة دي جات على الموبايل
"نعمان جمعة,مرشح حزب الوفد لرئاسة الجمهورية,معايا يا شعب مصرنغير مصر بجد
طبعا مش محتاجة تعليق
هنقول ايه تاني,مش هاتتصوروا البلد مشدودة ازاي, كانت ناقصة كمان الحملة الانتكابية
بس يعني هو احنا عمالين نشتري في لاعيبة كورة بالشيء الفلاني
مش عارفين نجيب مخرج مستورد للمسرحية الانتكابية دي..
عيني عليكي يامٌا يا بهية
مراسلكم من الغردقة: جاسر أبو شورت
posted by Gazzer @ 5:49 PM
6 Comments:
At 6:40 PM,
santakarim said…
loooooooool .. gamda awy
we ba3den maho lihom 7a2 .. aih yad al yawdiky alba7r fi sa3a zay de, ba7r abok da, fakro 7mam baitko ???!!
At 9:10 PM,
Unknown said…
السنة اللي فاتت جت واحدة صحبتي م الاردن ع شرم الشيخ وبعتت لى رسالة فيها كلمتين كونى موجودة محسيتش بنفسي غير محضرة شنطتي وبركب ف السوبر جيت من محطة الماظة مخدتش بالي ساعتها ان الساعة كانت 8 العشاء كده ولما ركبت الباص مكنش فيه غير انا وبنت كمان فقعدنا جنب بعض وف كمين عيون موسى طلبوا هويتنا واخدوا البنت ونزلوها ف الكمين مع انها كبيرة مش صغيرة ومعاها بطاقة بس مكنش عندها سبب مقنع للسفر زيي تماما مين هيصدق انى رايحة لواحدة صحبتى ف الوقت ده واهلى سابونى ازاى بس انا كذبت كذبة جامدة وقلت انى رايحة لاهلى وعشان كده سابونى لكن ف كل كمين كانوا بينزلونى ويستفسروا على سبب سفري غلبت اسأل يا جدعان هو احنا لسه جوه مصر ولا ع الحدود الاسرائيلية يقولوا لاء جوه مصر طيب انا مصرية وسنى 23 سنة يعنى عاقلة بالغة ايه المشكلة انى اسافر بالليل او الصبح هو انا مش زيي زي اي واحد ف الباص ف الليلة دى ركاب الباص كرهونى وكرهوا اليوم النحس اللي جمعهم بيا لانى اتسببت في تأخير الباص حوالى ساعتين بمعدل نص ساعة ف كل كمين ورغم انى وصلت لصحبتي ف الاخر الا انى كنت حاسة ان في حاجة غلط .... طولت
بس انت اللي فكرتني
At 12:30 AM,
Gazzer said…
omal lama teb2y ba2a mesafra, w ma3aky karneh enek beteshta3'aly fe sherka fe sharm el sheikh wel hurghada
w kaman ma3aky gawab men el sherka
w fel a7'er yetla3 3askary ......... ye2olek m3lesh, lef w erga3 tany..
rabena ma3aky ya baheya..
At 1:47 AM,
soha said…
eh ya gassour ,,,7ad ye3mel keda bardo ya ragel danta fe balad demokraty abban 3an ged,,,wenta keda teb2a dost 3ala polotica el balad ya walad wel polotica de msh sahla walla eh??we 3ala ra2 el sha3era el kebeera sahsoha elly bet2ool:
"بولوتيكا" زمان كان ليها شنة ورنة.
كان الواحد بيحارب ليها وكمان يتغني.
دلوقتي جرب تقول "بولو"
وقبل ماتقول "تيكا"
هاتاخد علي دماغك ودماغ أبيكا.
ومش بعيد يلموا أهليكا.
ماهو أصل دا زمن الديموقراطيكا.
فأحسن لك تلايمها وتلملم شعاراتك وتخبيها.
وامشي جنب الحيط عشان عيالك تعرف تربيها.
أصل الزمن ده يابني ماهوش زمن البولوتيكا. :F:
At 9:21 PM,
Gazzer said…
tab mana kont mashy gamb el raseef walahy ya Soha..
w kaman labes short:)
At 2:39 AM,
soha said…
kont mashy 3al raseeeef!!!!!!! allah manta kowayes aho ommal leeh keda?????
ah el short shaklohom met3'azeeen mennak 3ashan labes short:)
Post a Comment
<< Home