سؤال مجعلص

تاخد كام أو إيه

تعمل بيه إيه

أو تبطل بيه إيه

و تبقي مبسوط في حياتك



هذه دعوة لمحاولة الإجابة على هذا السؤال المجعلص
اللي عايز يجاوب هنا .. يشرّفني
و اللي عايز يعتبروا نوع من التاج يتفضّل

لكن إنتوا بقى لازم تجاوبوني
كريم, نور, مويا, يسرا, دينا, ساره, بسمة, أحمد, عمر و سارة

مساء الخير يا ابو عبده .. صاحب الفكرة

تعاسة

اختبأت خلف الجدران
وراء الأبوابِ الدامعة
في ظلالِ النوافذ والأشجار والغيوم
داخل البئر
َو الحبل متكوِّم كثُعبان في حضني
لكنَّ التعاسةَ طالتني في عظامي

سوزان عليوان

و إيه كمان

لو حتّى كارثة .. مصيبة
أي حاجة حتّى لو أكثر مرارة

بس كفاية الطعم المرّ المستمرّ ده
نسيت الدنيا كان طعمها إيه قبل كدة

واقعية

عرفت نساء هنا .. و نساء هناك
و وجها جميلا هنا
و قواما رشيقا هناك

و غنيت أحلى القصائد تحت نوافذ كل بلد
و لكنني لم أقل مرة
لأية سيدة جالستني
و أية عابرة صافحتني

أحبك حتى الأبد

فليس هنالك في لغة العشق
شيء يسمى الأبد

فكل الجميلات يأتين يوما
و يرحلن يوما
و يبقى الوحيد الأحد


نزار قباني

يا مالكا أمري

رباه
يا من خلقت كل شيء بقدر

ليس شكّا في طلاقة قدرتك
و لا تيها فيما تعلمه .. و لا أدركه في نفسي

أسألك بدلائل حكمتك .. و علامات كونك


لم رزقتني كل هذا العقل
كل هذا القلب
و كل هذا السخط

محنة

سألت الشيخ عبد ربه التائه
كيف تنتهي المحنة التي نعانيها

فأجاب
إن خرجنا سالمين فهي الرحمة
وإن خرجنا هالكين فهو العدل


نجيب محفوظ

ليه إنت قلبك في الحب طاظا

معني كده إن القلب ممكن يعفن من قلّة الحب

حوار في مقام نون النسوة

لا انا ماعرفتش بنات كتير
لكن كل واحدة كانت شكل
و كل واحدة علمت تعليمة
لحد ما لقيت نفسي بقيت كاروهات

بس الحلاوة في التضاد الذي يبرز المعني و يوضحه

الغريب إشتراكهم في حاجة عجيبة أوي
إن كل واحدة في دماغها شخص معين
و عاوزاك تتصرف زيه
فارس أحلامها يعني

مش بتحبك إنت
بتحب الشخص الي في دماغها
و مصممة إنك لازم تبقي زيه

و لما تكتشف ان إنت إنت
تبقي إنت مش هو
أو إنت كداب
أو ماينفعش

سواء فارس أحلامها ده كان صلاح الدين الايوبي
أو امير الدنمراك
أو ليونيل تروتسكي
أو حتى حسام حسن

مفيش واحدة فارس احلامها هاملت ليه

يمكن عشان هاملت هو الشخصية الحقيقية الوحيدة
الباقي كلهم شخصيات كرتونية

إبن الكلب .. و ما كانتش عاجباه أوفيليا

قال بيضحك قال

إيه الهبل ده .. هو البحر بيضحك ليه