ShaMs

"و بقول كلام موزون, القى الصدى يرجع كلام دايخ"

Thursday, September 28, 2006

سؤال مجعلص

تاخد كام أو إيه

تعمل بيه إيه

أو تبطل بيه إيه

و تبقي مبسوط في حياتك



هذه دعوة لمحاولة الإجابة على هذا السؤال المجعلص
اللي عايز يجاوب هنا .. يشرّفني
و اللي عايز يعتبروا نوع من التاج يتفضّل

لكن إنتوا بقى لازم تجاوبوني
كريم, نور, مويا, يسرا, دينا, ساره, بسمة, أحمد, عمر و سارة

مساء الخير يا ابو عبده .. صاحب الفكرة

Sunday, September 24, 2006

تعاسة


اختبأت خلف الجدران
وراء الأبوابِ الدامعة
في ظلالِ النوافذ والأشجار والغيوم
داخل البئر
َو الحبل متكوِّم كثُعبان في حضني
لكنَّ التعاسةَ طالتني في عظامي
سوزان عليوان

Saturday, September 23, 2006

و إيه كمان


لو حتّى كارثة .. مصيبة
أي حاجة حتّى لو أكثر مرارة

بس كفاية الطعم المرّ المستمرّ ده
نسيت الدنيا كان طعمها إيه قبل كدة

Tuesday, September 19, 2006

واقعية


عرفت نساء هنا .. و نساء هناك
و وجها جميلا هنا
و قواما رشيقا هناك

و غنيت أحلى القصائد تحت نوافذ كل بلد
و لكنني لم أقل مرة
لأية سيدة جالستني
و أية عابرة صافحتني

أحبك حتى الأبد

فليس هنالك في لغة العشق
شيء يسمى الأبد

فكل الجميلات يأتين يوما
و يرحلن يوما
و يبقى الوحيد الأحد


نزار قباني

Sunday, September 17, 2006

يا مالكا أمري


رباه
يا من خلقت كل شيء بقدر

ليس شكّا في طلاقة قدرتك
و لا تيها فيما تعلمه .. و لا أدركه في نفسي

أسألك بدلائل حكمتك .. و علامات كونك


لم رزقتني كل هذا العقل
كل هذا القلب
و كل هذا السخط

Sunday, September 10, 2006

محنة

سألت الشيخ عبد ربه التائه
كيف تنتهي المحنة التي نعانيها


فأجاب
إن خرجنا سالمين فهي الرحمة

وإن خرجنا هالكين فهو العدل


نجيب محفوظ

Friday, September 08, 2006

ليه إنت قلبك في الحب طاظا

معني كده إن القلب ممكن يعفن من قلّة الحب

Sunday, September 03, 2006

حوار في مقام نون النسوة

لا انا ماعرفتش بنات كتير
لكن كل واحدة كانت شكل
و كل واحدة علمت تعليمة

لحد ما لقيت نفسي بقيت كاروهات

بس الحلاوة في التضاد الذي يبرز المعني و يوضحه

الغريب إشتراكهم في حاجة عجيبة أوي
إن كل واحدة في دماغها شخص معين
و عاوزاك تتصرف زيه
فارس أحلامها يعني

مش بتحبك إنت
بتحب الشخص الي في دماغها
و مصممة إنك لازم تبقي زيه

و لما تكتشف ان إنت إنت
تبقي إنت مش هو
أو إنت كداب
أو ماينفعش

سواء فارس أحلامها ده كان صلاح الدين الايوبي
أو امير الدنمراك
أو ليونيل تروتسكي
أو حتى حسام حسن

مفيش واحدة فارس احلامها هاملت ليه

يمكن عشان هاملت هو الشخصية الحقيقية الوحيدة
الباقي كلهم شخصيات كرتونية

إبن الكلب .. و ما كانتش عاجباه أوفيليا

Friday, September 01, 2006

قال بيضحك قال

إيه الهبل ده .. هو البحر بيضحك ليه