عدل

الليل عادل

لا يفرق
بين بحر و سماء
بين عصفور غريب عن الشرفة
و إنسان غريب عن البلاد

الليل عادل
في السواد


سوزان عليوان

حالة كده

معرفش ليه تنّحت للدنيا كده

فجأة لقيتني مسكون بالملل

لا عندي رغبة في البكا ولا في الكلام ولا عايز أنام

ولا حتى بسأل إيه ده إيه و أخرتها إيه و إيه العمل

و أخاف أقول لأي حد

أحسن يقوم يقلبها جد

حد صاحبي ينزعج

يمد إيده في قلبه من باب الكرم .. عشان يشاركني في ألم

أو يستلفلي من لئيم حبّة أمل

حالة كده .. معرفش ليه

حالة كده ملهاش معالم

ساعات تزورني في الربيع .. في الحر .. و في عز الشتا

و تجيب حاجات لا فيها روح ولا ميتة

لكني برجع منّها بعد السكات .. فاهم شوية في اللي فات

حاسس أوي بحزن الصحاب

محظوظ أنا

ساعات أشاور ينفتحلي ألف باب

لكنّي بغلط في الحساب

معرفش ليه

شعر : علي سلامة

مجازفة

هو : و هو إحنا ليه مش بنحب بعض
مع إننا عارفين إننا متفاهمين و فاهمين بعض أوي كده

هي : عشان لو حبينا بعض؛ بقى في إحتمال إننا نخسر بعض
ودي مجازفة أنا ماقدرش عليها

هو : مجازفة؟ تصدقي .. أول مرة ألاقي سبب حقيقي
يخلّيني عايز أحب نفسي و أموت فيها