بانو

بانو بانو بانو
على أصلكو بانو
والساهى يبطل سهيانه

ولا غِنى ولا صيت
دولا جنس غويط
وكتاب ما يبان من عِنوانه
بانو أيوه بانو

جربنا الحلو المتعايق
أبو دم خفيف
وبقينا معاه إخـْوَه شقايق
فاكرينه شريف

أتاريه مش كده على طول الخط
الطـَبْع الردى من جواه نط
خلاص بقى مهما انشال وانحط
مافيش دمعة حزن عشانـُه

بانو أيوه بانو

بانو بانو بانو
على أصلكو بانو

وعرفنا...سيد الرجاله
عرفنا... عين الأعيان

من بره شهامه وأصالة
تشوفه تقول أعظم انسان

انما من جوه يا عينى عليه
بيّاع ويبيع حتى والديه
واهو ده اللى اتعلمنا على ايديه
القهر وقوة غليانه/هريانه


بانو بانو بانو
على أصلكو بانو


دوروا وشـُّكـُو عنى شويه
كفايانى وشوش
ده أكم من وش غدر بيه
ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشف لى حبايبى واصحابى
يوحدنى وانا ف عز شبابى
القلب على الحب يشابي
والحب بعيد عن أوطانه

بانو أيوه بانو


بانو بانو بانو
على أصلكو بانو

أهو كده بانو
على أصلكو بانو



صلاح جاهين

ربنا يهديك

بقالي كتير ما كتبتش.. مش عاوز أكتب

انهارده عيد ميلادي, 25 سنة مش فاكر منهم غير حاجلت بسيطة, لكن مش مهم

امبارح الساعة 12 بالليل أمجد كلمني, ده كان معايا من أيام الحضانة و دخلنا نفس الكلية, بس هو ماتخرجش لسة

بعد السؤال عن الأحوال و الشغل و الذي منه

انت ماتجوزتش لسة يا جاسر
لا يا أمجد
ولا فاتحة ولا حاجة ع الديق كدة
لا يا أمجد لسة, مش لما أحب الأول
ايه ده انت منهم, ربنا يهديك, و عقبال ميت سنة

التجاعيد

تبدو قطرة الماء نقية شفافة كبللورة
فاذا ما كبرتها العدسات ظهرت فيها الاف الشوائب

و يظل القمر جميلا صافيا ما دام بعيدا
فاذا ما اقتربت بدا لك كشاطئ قذر مهجور

حتى وجه التي تحب
بشرتها الغضة المتوردة التي تأخذ قلبك
ما ان تضاعف قدرتك على رؤيته حتى تتبدى لك كنسيج قبيح مجعد

في كل مرة تتأكد الحقيقة

ليس اعجابنا بالجمال الا خداعا للنظر
و كلما اتسعت الرؤية
بانت التجاعيد


علاء الأسواني

الكلاب

الكلاب.. تسكت.. وتنبح
الكلاب.. تقفل.. وتفتح
الكلاب.. تمنع.. وتسمح
والكلاب.. تخسر.. وتربح
نبحها فى الليل غريب
صمتها دايما مريب
ع البيبان واقفة مناوبة
بِشْمة لا تشبع مِتاوْبة
لو أكلت اللقمة تنبح
لو رميت اللقمة تنبح
لما تتاوب مابتداريش نيابها
لما نسكت تبقى هادية
لما نتكلم تعبر
فى وضوح - عن اكتئابها
علمتنا الاكتئاب

الكلاب

الأبنودي

الألم

الألم -رغم فظاعته-ليس شيئاً سيئاً
بل هو فى الحق ثمين يقدم لنا الإشارات الفورية اللازمة لضمان بقائنا
إن عدم القدرة على الشعور بالألم أمرخطير وقاتل

وماذا عن الإكتئاب؟

لقد سيطرت علينا بالفعل فكرة أن عاطفة الإكتئاب - بل والحزن - ليست سوى خلل فى طبيعة الإنسان، ولم نعد نتصور أن هذه الخصيصة قد تكون مفيدة، مثل الشعور بالألم. لكن الآم الإكتئاب قد تكون حقاً فى مثل أهمية الشعور بالألميقول العلماء إن العواطف الإكتئابية بالنسبة لحياتنا الذهنية هى المعادل للألم بالنسبة لحياتنا الجسدية: هى إشارات ذات معنى تقول إن شيئاً ما يقلل من فرص الحياة والتكاثر والرفاهية.......... ينبهنا الإكتئاب على الأغلب إلى أننا نعانى من أزمة فى اللاوعى، إحباط أو خيبة أو مشكلة تستوجب الإهتمام، لكنها لا شعورية، وإدراك الخسارة أو الأزمة يغير الإحساس......... يخلع المكتئب النظارة الوردية التى يرتديها "العاديون" من الناس، تصبح نظرته واقعية، تصبح له قدرة أفضل على تقييم أدائه مقارنة بالآخرين، يصبح أكثر فهماً لحدوده، وأدق فى مراقبة سلوكه الإجتماعى، يصبح أكثر إدراكاً لمسئوليته عن نجاحاته وعن أخطائه، لا عن نجاحاته فقط. وهذه الوقفة المتأنية لتأمل الحقائق العارية تسمح للفرد بأن يصل إلى تقدير أدق لوضعه مما قد يؤدى به إلى النجاح: للفرد إذن أن ينسحب إلى داخل ذاته، أن يضطجع يقظاً، أن يحلم أحلاماً مقلقة، أن يتباطأ، حتى تحل المشكلة...... له أن يكتئب...... إن التخلص تماماً من قدرة الفرد على الإكتئاب - باستخدام العقاقير - قد يكون فى النهاية أمراً ضاراَ، تماما كاستئصال قدرة الفرد على اللألم. يحتاج كل فرد سليم إلى القدرة على أن يكتئب

أحمد مستجير